احلي
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
منتدى
التبادل الاعلاني
احداث منتدى مجاني
ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
فبراير 2017
الإثنينالثلاثاءالأربعاءالخميسالجمعةالسبتالأحد
  12345
6789101112
13141516171819
20212223242526
2728     
اليوميةاليومية

شاطر | 
 

  حكاية مهموم ولي فالحياة مصدوم وفبحر العداب تيعوم بكل تواضع قصة أحمد الهبيل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ali



عدد المساهمات : 6
نقاط : 18
تاريخ التسجيل : 29/04/2011

مُساهمةموضوع: حكاية مهموم ولي فالحياة مصدوم وفبحر العداب تيعوم بكل تواضع قصة أحمد الهبيل   السبت أبريل 30, 2011 8:41 am

السلام عليكم

ورحمة الله تعالى وبركاته

سمحوليا أخوتي ليوم غادي نحكي ليكم حكاية واخا شوية طويلة ستحملوها وقراو حتى الأخير حكاية شاب الأقدار لعبات بيه

نعرفكم على داك الشاب الي ختارو ليه دارهم من الأسماء أحمد إسم زوين وعندوا معنى كبير. أحمد تزاد فالمغرب تولد فالمحمدية

وباش تعرفوا علاش أحمد اأقدار لعبات بيه من الاول تحول لفاس تم كبر فواحد الحي خيب وخيب بزاف نص فالحبس ونص مبلي

كبر شوية جاو دراهم للعاصمة الإقتصادية ستقرو بالبرنوصي ورجعوا للمحمدية ومن بعد مشاو لسيدي مومن

بلا شك تتقولي هدا مالوا سعوا لحكاية بدات فسيدي مومن بضبط هاد الاخ عندو زهر مع كلشي إلا الحب

دبح لمشاش وسلخ لكلاب قتل الطيور وصيد لحمام عض فالروموكات وقطع مسافات وهو تيبحث

حد كازا على رجليه زارها كاملة ولا تيعرفها وتتعرفوا كيفاش متعرفوش وهو ولدها الي ماحنتش عليه

نهار على نهار تيكبر هاد الأخ وكل ماكبر تيكبر الهم قرا وصل للكاتريام تم تعرف على درية كان يبغيها وتبغيه

نوال لي هي درية دوزات معاه سنين كبرو بزوج وقراو بزوج وصلوا لافاك وبدا داك الشاب تيخطط للمستقبل ههههه

بدا تيحلم بالأحلام الوردية وبعش يجمعوا هو نوال هههه ساعة تجمع بواحد الزدحة خاسرة ردخوه بريط

فالجامعة تعرف أحمد على واحد شاب تصاحب معاه ولا تيعمر معاه ونوال ديما مع احمد تعرف عليها حتى هي

دازت شي أيام نوال بدات تتقلب وجها على أحمد هو تيتعصب ويني تيبرد دغيا تعصب وسبها هههه عادي لي دوزوه

نوال قلبت وجها ولقات سبة عيطت ليه قالت ليه كريط تهلا فراسك العشير كان هنا هههههه فرات فيه الخوت حشاكم

عادي تخطبات وتزوجات الله يكمل بيخير ويني الي ماشي عادي هي تزوجات بداك ساط عشيرهم ههه

شتي صحبة زوينة كي كيديرة هادي لي غناو عليها عود ليل رو دو

لي عندو زهر واعرساق لخبار عشرة سنين مشات مع الواد ساط تشوكا ولا عيش غا بوحدوا

ضيع لقريا وكلشي ومع هدا بفضل الله والواليدينوشي صحاب ديال صح رجع للحياة بعد ماكان مات

قرر يعيش بلا ضحك بنادم جاتوا غريبة أحمد لي كان تيضحك الشعب والامة دابا ولا سيريوه

( تنديو بالفرونسي حيت تقافتي سبنيولية)

دوز عامين وصرف وهو مبعد على الحياة وعيش غا تياكل وينعس ومرة مرة تيدخل للنت

حتى جا واحد الوقت دخل للنت وبدا تيطلعها مرة مرة واحد نهار بانت ليه واحد عضوية عندها فالبيانات أنثى

هو حمق طلعها عليها مرارا وتكرارا كان عندوا القدرة باش يخلق فلم قلب وبحت عرفها بنت بصح

كونان ماخدمش بحاول المسخوط نهار على نهار ديك درية تدير شي جيست تيعجبوا

هاهو غادي هاهو غادي حتى لاح ليها سنارة جاب الله الحوتة تصيدات

هو طالقها وتيضحك وتيكركر دوز معاها أيام وأيام تقرب ليها وعرفها وأكتشف أنها درية زوينة وهبيلة

الولف غلب عليه واخا كان تيخاصم عليها مرة مرة الولف غلاب

كتن تيضحك حتى جا الوقت لي تخاصموا العود كتشف انه مسخوك ولا تيبغيها

على قبل هدي نغني ليه ليوم

عمري عمري ماضنيتش تنسيني

نبغيك وتعرفي ماعنديش غير نتي

أه اااااااااااااااه تيرارارا

أه أليام صوتي زوين خاصني نشارك فستوديو دوزيم

نسيت العود هيب وعزيز عليه الراب والبريك دانس دوز البلية ومن بعد جمع راسوا ولا لحية

من بعد هادج شي رجع للقرعةومع هدا ماتعاشرش مع القرعة وقرر يرجع ديك درية باش ماكان

طلب رغب غنا عود نكت كتب قصائد كتب قصص ماخلا مادار

والوا وتقول هاد ساطة واش باغا هي قالت ليه تنبغيك ومانقدرش نرجع ليك ونت تستاهل ماحسن مني

ويني هو تيقول ليها نتي ولا نهبلوراك هبيل عاد غادي تهبال

على هادي نكتب فيك هاد القصيدة

حميدة ويا الهبيل

سير بيع جفيل

درية لي عليها تغير

لاحتك وتطالب بتغيير

ولي تسمع العشير للأغاني

ونت قصتك فيها أكبر لمعاني

فخاطرك نكتب شعر الهبيلدوز ايام وأيام وشهر مور شهر غا تا قالت ليه بار إسيميسالعود تنبغيك ومانسيتكش

بالفرحة نشا راسوا خرج لزنقة بشورط مينيالعودة رجعات ونتي زغرتي الزغراتة

دوز يومين صيفطت ليه ميساج جديدالعود صافي سالينا نسا العود نسا

سمح ليا أحميدة نت فتي مسعودغا هو مع علي بولحية ونت مع دريات

وباش منساش الساط قرا وخدا ديبلوم خدم وخرج رجع خدم وخرج زهر عندو عجيب

تشومر ودوز التشومير وهو تيقلب على الخدمة

حتى خدم فواحد شاركة أول ماخدم لاحوه لعيون دوز سمانة دار كسيدةداو ليه لبيرمي وردوه لكازا

خدم معاهم هنا شي شهورة مشاو ليعون ثاني هو بقا دوز شحال حتى عيطوا ليه

وحطو ليه ورقة العود سترحل للعيونالعيون وفيها بنادم تيموت فدوك ليامنيفر الاخ نيفر

قالوا ليه تهلا سو ماتش وهاهو مشومر

واحمد والدمدومة لا حب ولا خدمة ولا صحاب ولا حياة حتى الموت ماتحملش هاد خينة

دار كسيدة فكسيدة فكسيدة وتقول ولا بغات تديه الموت

وجه العداب هو هدا الله يعفوا الله يعفو الله يعفو

فاصل إشهاري هاد احمد عندو زهر مع دريات عادي يضحك مع أي وحدة ويجيبها حتى لدرب ويني هو لحية وتيخاف الله

هو ماعندوش غا مع الحبوكما قال مسلم الحب راه معلق فالسحُبْ

الدرب تيعطي بيه المثال فالإنظباط التكتيكي والضرافات والتربية واخا خوه يالطيف تتجبدوا تيقولوا عليه يخ

دابا هاد الساط جا يودعكم قاليا نقل عليا هاد القصة الي مزال طويلة للخوت هنا

وتيقول ليكم تهلاو فراسكم وهو غادي يتوحشكم وسمحو ليه

تحيات هشام العطفة الناقل الرسمي لقصة أحمد





ملاحظة واخا تسد العضوية هانية خليو الموضوع

حيت دير طلب القفل وغادي نمشي حتى انا ندير شي جولة مع احمد على الله يتقم سعدو

ولي شاف حفصة ديالوا يقول ليها احمد ليك فيديل

ولي شاف حفصة ديالي يقول ليها تهلاي غا تنطلعها

هو هدا تهلا حتى نتلاقاو شي نهار فجنة الخلد إن شاء الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حكاية مهموم ولي فالحياة مصدوم وفبحر العداب تيعوم بكل تواضع قصة أحمد الهبيل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
hossin :: الفكاهة والنقد الساخر-
انتقل الى: